28-29 noyabr kunlari RIOvaRIATM "Ona va bola" skrining bo‘limida «Тugma va irsiy kasalliklarni barvaqt aniqlash, bolalikdan nogironlar tugilishini oldini olish» mavzusida ilmiy-amaliy seminar bo‘lib o‘tdi.

Tadbirda respublika bo‘ylab hududiy skrining bo‘limlarining genetik shifokorlari ishtirok etdi.

Tadbir davomida homiladorlik davrida va yangi tug‘ilgan chaqaloqlarda tug‘ma va irsiy kasalliklarni erta aniqlash usullarini o‘z ichiga olgan prenatal va neonatal skriningning zamonaviy yondashuvlari muhokama qilindi.
Markaz mutaxassislari UZI-skrining, biokimyoviy markerlar hamda neonatal testlarning diagnostik imkoniyatlari bo‘yicha dolzarb ma’lumotlarni taqdim etdilar.
Alohida e’tibor laboratoriya tadqiqotlarining sifatini oshirish va jarayonlarni standartlashtirish masalalariga qaratildi.