Prenatal FISH diagnostikasi

Prenatal FISH diagnostikasi — bu homiladorlik davrida homilada uchraydigan eng ko‘p tarqalgan xromosoma anomaliyalarini tez va yuqori aniqlikda aniqlash imkonini beruvchi zamonaviy diagnostika usulidir.

FISH tahlili quyidagi eng keng tarqalgan xromosoma buzilishlarini aniqlash uchun qo‘llaniladi:
21-xromosoma trisomiyasi (Daun sindromi),
18-xromosoma trisomiyasi (Edvards sindromi),
13-xromosoma trisomiyasi (Patau sindromi),
Jinsiy xromosomalarga (X, Y) oid buzilishlar.

Usulning afzalliklari:
Natija tez olinadi (odatda 3–5 ish kuni ichida)
Yuqori aniqlik va ishonchlilik
Xromosoma patologiyalarini erta aniqlash imkoniyati
Skriningdan keyin aniqlashtiruvchi usul sifatida qo‘llaniladi
O‘z vaqtida to‘g‘ri klinik qaror qabul qilishga yordam beradi

Qachon FISH diagnostikasi tavsiya etiladi?
Homilador ayol yoshi 35 va undan katta bo‘lsa
Prenatal UZI va biokimyoviy skrining natijalari shubhali bo‘lsa
Oilaviy anamnezda xromosoma yoki genetik kasalliklar mavjud bo‘lsa
Shifokor-genetik yoki akusher-ginekolog tavsiyasiga ko‘ra

Tekshiruv qanday o‘tkaziladi?
Tahlil uchun homila hujayralari invaziv muolajalar (xorion biopsiyasi, amniotsentez, kordotsentez) orqali olinadi.
Tekshiruvdan oldin shifokor-genetik konsultatsiyasi majburiy hisoblanadi.